Əbdül Fəttah: Sudan ordusu vətəndaş müharibəsinin qarşısını almaq üçün, hakimiyyəti ələ keçirib (VİDEO)

Sudan çevrilişinin lideri, general Əbdül Fəttah əl-Burhan bildirib ki, hərbçilər “vətəndaş müharibəsi”nin qarşısını almaq üçün bazar ertəsi hakimiyyətə gəlib.

O əlavə edib ki, devrilmiş baş nazir Abdullah Hamdok “öz təhlükəsizliyi üçün” generalın evində saxlanılır və tezliklə evə buraxılacaq.

Paytaxt Xartumda etirazlar ikinci gündür davam edir, yollar, körpülər və mağazalar bağlanıb. Telefon və internet əlaqələri də kəsilib.

İğtişaşlar başlayandan bəri, ən azı 10 nəfərin öldüyü bildirilir.

“Keçən həftə şahidi olduğumuz təhlükələr ölkəni vətəndaş müharibəsinə apara bilər”- deyə, General Burxan mətbuat konfransında deyib.

“Baş nazir evində idi, lakin biz onun zərər görəcəyindən qorxurduq və indi o, mənimlə birlikdə evimdədir.

“Dünən gecə onunla idim… və o, öz həyatını yaşayır… təhlükə aradan qalxanda evinə qayıdacaq”.
General Burxan bildirib ki, Baş nazir mülki idarəçiliyi ləğv edib, siyasi liderləri həbs edib və siyasi qruplar mülki əhalini təhlükəsizlik qüvvələrinə qarşı qızışdırdığı üçün, fövqəladə vəziyyət elan edib.
Çevriliş beynəlxalq qınaqla qarşılanıb. Sudanın üzvü olduğu ABŞ, Böyük Britaniya, AB, BMT və Afrika İttifaqı cənab Hamdokun kabinetinin üzvləri də daxil olmaqla həbs edilmiş bütün siyasi liderlərin dərhal azad edilməsini tələb edib.

BMT-nin baş katibi António Quterres, Sudanın Afrika və Asiyaya təsir edən “çevriliş epidemiyası” içərisində olduğunu söyləyib və dünyanın “böyük güclərini” BMT Təhlükəsizlik Şurası vasitəsilə “effektiv nəzarət” üçün birləşməyə çağırıb.

İctimairey.az xəbər verir ki, məlumata görə, bazar ertəsindən etibarən qoşunlar Xartumda qapı-qapı gəzərək yerli etiraz təşkilatçılarını həbs edir.

Xartumdan olan Mohamed Osman deyir ki, minlərlə insan paytaxtda, əsasən də şəhər mərkəzinə yaxın yaşayış məntəqələrində keçirilən etirazlara qoşulub.

Şəhər hava limanı bağlanıb, beynəlxalq uçuşlar dayandırılıb.

İctimairey.az