MDB-nin sonu? – Çoxtərəfli müqavilələr dəyişdirilmədən ləğv edilib

Müstəqil Dövlətlər Birliyi (MDB) faktiki olaraq fəaliyyətini dayandırır: onun çərçivəsində bir sıra əsas müqavilələr rəsmən qüvvəsini itirib.

Musavat.com ArbatMedia saytına istinadla xəbər verir ki, rəsmi hüquqi informasiya portalında 2000-ci il dekabrın 1-də MDB çərçivəsində imzalanmış bir sıra çoxtərəfli sazişlərin ləğvi haqqında protokol dərc olunub. Sənədlər qüvvədə olma müddəti bitdiyi üçün hüquqi qüvvəsini itirib, qurum daxilində onların dəyişdirilməsi ilə bağlı heç bir müqavilə imzalanmayıb.

Ləğv edilmiş müqavilələrin bəziləri strateji xarakter daşıyırdı.

Ləğv edilmiş müqavilələr arasında aşağıdakılar var:

– birgə hava hücumundan müdafiə haqqında saziş;

– birbaşa elmi-texniki əməkdaşlıq haqqında saziş;

– vahid hərbi komandanlığın təşkili haqqında sənəd;

– Müdafiə Nazirləri Şurası haqqında saziş;

– Strateji Silahlı Qüvvələr haqqında müqavilə;

– vahid pul sistemi haqqında saziş.

Rusiya Federasiyası üçün bu dəyişikliklər 9 dekabr 2024-cü ildə qüvvəyə minib. Eyni zamanda, razılaşmaların əhəmiyyətli hissəsi praktikada heç vaxt həyata keçirilməyib və əvvəllər MDB-nin üzvü olan bir neçə ölkə (Ukrayna, Moldova, Gürcüstan) faktiki olaraq assosiasiyanı tərk edib.

Bu baxımdan MDB yalnız formal olaraq mövcudluğunu davam etdirir və onun gələcək taleyi sual altında qalır.