Zaxarova “Rus evi”nə qarşı casusluq ittihamından danışdı

“Bakıdakı “Rus evi”nə qarşı casusluq fəaliyyəti ilə bağlı bütün ittihamlar əsassızdır”.

Musavat.com Lenta.ru-ya istinadla xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan telekanalının “Rossotrudniçestvo”nun yerli nümayəndəliyi ilə bağlı xəbərini belə şərh edib.

“Əgər hansısa nöqteyi-nəzərdən istifadə edirsinizsə, bizimlə əlaqə saxlayın, biz də öz nöqteyi-nəzərimizi bildirəcəyik. Amma bu, sadəcə olaraq doğru deyil. Bu ittihamlar əsassızdır”, – diplomat bildirib.

Xatırladaq ki, “Rus evi”nə qarşı iddialar rəsmi orqanlar tərəfindən yox, bir media qurumu tərəfindən səslənib.