Çin ABŞ nəhəngini çökdürdü: Bir gündə yarım trilyon dollar itirdi

Dünyanın ən böyük çip istehsalçısı Nvidia Corp-un bazar dəyəri bu gün 13 faiz və ya 465 milyard dollar azalıb.

Musavat.com xarici agentliklərə istinadən xəbər verir ki, buna səbəb Çin startapı DeepSeek-in AI köməkçisi ilə bağlı narahatlıqlardır.

Bu, tarixdə bir sessiya ərzində ən böyük dollar enişidir və təxminən Exxon Mobil kimi böyük bir şirkətin bütün bazar dəyərinə bərabərdir.
Analitiklərə görə, Nvidia pulsuz açıq mənbəli dil modeli R1 əsasında qurulan DeepSeek-in populyarlığının əsas “qurbanlarından” birinə çevrilib.

DeepSeek səviyyəsinə görə Amerika OpenAI-nin analoqu ilə müqayisə oluna bilər və ən əsası, daha az məhsuldar mikroçiplərlə işləyə bilər.
Jefferies analitikləri bildirirlər ki, yeni məhsulun böyük hesablama gücünə malik ən son mikroçiplərə əsaslanan qurulmuş süni intellekt biznes modelini poza biləcəyi ilə bağlı ciddi narahatlıqlar var idi.

Belə çiplərin əhəmiyyətli bir hissəsini Nvidia təmin edir.