Politoloq Bezpalko: Ukrayna bir dövlət olaraq, ləğv edilməlidir

“Ukraynanın bir dövlət olaraq ləğv edilməsi həm sakinləri, həm də Rusiya üçün faydalıdır”
İctimairey.az xəbər verir ki, Rusiya Prezidenti yanında Millətlərarası Münasibətlər Şurasının üzvü Boqdan Bezpalko Ukraina.ru saytına müsahibəsində bildirib ki, Kiyevi Donbasdakı hərbi əməliyyatları dayandırmağa məcbur etmək hazırda mümkün deyil, ancaq sülhün bərqərar olmasına kömək edəcək bir yol var. O, bütün dövlətlər üçün problemin ən faydalı həlli olaraq, Ukrayna dövlətinin ləğv edilməsini təklif edib.
Onun fikrincə, müasir Ukrayna hakimiyyətinin subyektivliyi yoxdur və nüfuzlu millətçilər Qərbin ölkədəki xarici nəzarət vasitəsi kimi çıxış edirlər. Politoloq onu da qeyd edib ki, belə bir şəraitdə Minsk razılaşmalarının həyata keçirilməsində heç bir irəliləyiş gözlənilmir.
“Ən yaxşı vasitə Ukraynanın özünü bir dövlət olaraq ləğv etməkdir. Yalnız Rusiya və Donbas sakinləri üçün deyil, Ukraynanın öz vətəndaşları üçün də, orada yaşayanlar üçün daha yaxşı olardı” Ekspet deyib.
Əlavə edib ki, ölkə hakimiyyəti vətəndaşlarının həyatını daha da pisləşdirmək üçün, hər cür tədbirlər görür və dövlət qurumları, infrastruktur, sənaye və tibb məhv edilir. Bezpalkoya görə, bu səbəbdən Ukrayna dövlətçiliyini “sökmək” ən yaxşı ssenari olardı.

Qeyd edək ki, daha əvvəl Xalq Cəbhəsi Partiyasından, Ali Radanın keçmiş xalq deputatı Tatyana Çornovol Ukraynada yeni bir Maydanın hansı şərtlər altında yüksələcəyini söyləyib. Onun fikrincə, bu, prezident Vladimir Zelenskinin “Ştaynmayer düsturu” nu tətbiq etməyə başlayacağı təqdirdə baş verəcək.
“Steinmeier düsturu, Ukraynanın Donetsk və Luqansk bölgələrinin müəyyən bölgələrinə yerli özünüidarəetmə üçün xüsusi bir prosedurun təmin edilməsi və bu ərazilərdə yerli seçkilərin keçirilməsi ilə bağlı ikinci Minsk razılaşmasının bir sıra müddəalarının mərhələli şəkildə həyata keçirilməsi üçün bir mexanizmdir”.

İctimairey.az