5 mərtəbəli binanın 5-ci mərtəbəsində yanğın

Sumqayıt şəhərində beşmərtəbəli yaşayış binasının 5-ci mərtəbəsində ümumi sahəsi 50 m² olan mənzilin yanar konstruksiyaları 16 m² sahədə yanıb.

İctimairey.az-a FHN-in Mətbuat xidmətindən verilən məlumata görə, bu gün səhər saatlarında Sumqayıt Yanğından Mühafizə dəstəsi operativ özünü yanğın yerinə çatdırıb və baş verə biləcək böyük fəlakətin qarşısını alıb. Belə ki, yanğında, yüksək temperaturdan lambirindən ibarət tavan 7 m² sahədə və 1 ədəd plastik qapı əriyib.
Yanğın zamanı tüstülənən mənzillərdən 15 nəfər yanğınsöndürənlər tərəfindən təhlükəsiz əraziyə təxliyə olunub. Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

İctimairey.az