Rusiya, Türkiyə və Ukrayna nümayəndə heyətlərinin görüş vaxtı açıqlanıb

Rusiya, Ukrayna və Türkiyə arasında üçtərəfli görüş İstanbulda keçiriləcək.

Musavat.com-un “RİA Novosti”ə istinadən verdiyi məlumata görə, bu barədə informasiyanı Türkiyə Xarici İşlər Nazirliyindəki mənbə təsdiqləyib.

Bildirilib ki, Rusiya, Ukrayna və Türkiyə nümayəndələrinin iştirakı ilə nəzərdə tutulan üçtərəfli görüş İstanbulda baş tutacaq və tədbir bu gün saat 12:30-da keçiriləcək. Görüşdə regional təhlükəsizlik, humanitar məsələlər və xüsusilə Qara dənizdəki gərginlik fonunda mülki infrastrukturun qorunması kimi mühüm məsələlərin müzakirə ediləcəyi gözlənilir.

Qeyd edək ki, son aylar Rusiya-Ukrayna müharibəsi kontekstində Türkiyə bir neçə dəfə tərəflər arasında vasitəçi rolunda çıxış edib və dialoqun bərpası üçün diplomatik səylərini davam etdirir.