Avropa İttifaqında hərbi həyəcan: 17 ölkə müdafiə xərclərini artırmaq istəyir

Avropa İttifaqının (Aİ) bir sıra üzv dövlətləri müdafiə büdcələrinin artırılması üçün blokun maliyyə qaydalarının yumşaldılmasını tələb edir.

Bu barədə məlumat Aİ Şurasının rəsmi saytında yerləşdirilib.

Bildirilir ki, 17 Aİ ölkəsi – Belçika, Bolqarıstan, Çexiya, Danimarka, Almaniya, Estoniya, Yunanıstan, Xorvatiya, Latviya, Litva, Macarıstan, Polşa, Portuqaliya, Sloveniya, Slovakiya, Finlandiya və yenidən Çexiya – blokun qaydalarını pozmadan, 4 il ərzində müdafiə xərclərini ÜDM-in 1,5 faizinə qədər artırmaq üçün ayrıca hüquqi mexanizm hazırlanmasını istəyir.

Aİ Şurası bu məqsədlə milli yardım mexanizminin aktivləşdirilməsi üçün koordinasiyalı şəkildə müraciət prosesini başladıb.

Rəsmi açıqlamada qeyd olunur: “Qaydaların daha çevik tətbiqi üzv dövlətlərdə milli səviyyədə müdafiə xərclərinin zəruri şəkildə artırılmasına şərait yaradacaq və eyni zamanda borc dayanıqlığını qoruyacaq. Bu, Avropa İttifaqının təhlükəsizliyinin möhkəmləndirilməsinə ciddi töhfə verəcək”.\\musavat\\