Avropada ŞOK – Macarıstan BCM ilə bağlı HƏRƏKƏTƏ KEÇDİ

Macarıstan Baş naziri Aparatının rəhbəri Qerqey Quyaş bildirib ki, hökumət bu gün Macarıstanın Beynəlxalq Cinayət Məhkəməsindən (BCM) çıxması prosesinə start verəcək.

Musavat.com xəbər verir ki, bu barədə “index.hu” məlumat yayıb.

Onun sözlərinə görə, BCM öz ilkin missiyasından uzaqlaşıb və siyasi təşkilata çevrilib, bunun ən bariz nümunəsi İsrailin Baş naziri Binyamin Netanyahu barədə ittiham aktıdır.

Macarıstan hökuməti bu prosesi qəbuledilməz hesab edir və buna görə də məhkəmənin fəaliyyətində iştirak etmək istəmir.

Quyaş əlavə edib ki, son dövrlərdə beynəlxalq səviyyədə BCM-in fəaliyyətinə dair ciddi narahatlıqlar yaranıb. ABŞ, Çin və Türkiyə heç vaxt Beynəlxalq Cinayət Məhkəməsinin üzvü olmayıb, həmçinin ABŞ Konqresi hər iki partiyanın dəstəyi ilə BCM hakimlərinə qarşı sanksiyalar tətbiq etmək barədə qərar qəbul edib.