Dəməşqdə baş verən atışmada azı 28 nəfər həlak olub

Dekabrın 8-də Dəməşqin müxalifət qüvvələri tərəfindən tutulması zamanı baş verən atışmalarda ən azı 28 nəfər ölüb, ən azı 450 nəfər yaralanıb.

“Report” xəbər verir ki, bunu Suriyanın səhiyyə naziri Əhməd Damiriya “Əl Ərəbiyyə” telekanalına müsahibəsində deyib.

“Səhiyyə Nazirliyinin ən böyük xəstəxanası olan Dəməşq xəstəxanasında ötən gecə 450 yaralı olub. Məndə olan məlumata görə, 28 nəfər də ölüb”, – nazir bildirib.