Arda Gülərə 40 milyonluq böyük təklif – Bu məşqçi onu istəyir – FOTO

Dünya futbolunun parlaq gənc məşqçilərindən biri olan Xabi Alonso gözünü “Real Madrid”in gənc ulduzu Arda Gülərə dikib.

Milli.Az Türkiyə mətbuatına istinadən xəbər verir ki,  Arda üçün təyin olunan transfer qiyməti məlum olub.

Məlumata görə, Xabi Alonso sol cinah müdafiəçisi Fran Qarsiyanı Arda Gülərlə birlikdə heyətində görmək istəyir. Onun iki futbolçu üçün Real Madridə 60 milyon avro təklif etdiyi bildirilir.İspaniyadan “El Nacional”ın xəbərinə görə, Xabi Alonso türk futbolçunun transferi üçün Almaniya klubunun rəhbərliyi ilə görüş keçirib.

Arda Gülərin qırx milyon avroluq transferi reallaşarsa, bu, Leverkuzen tarixinin ən bahalı transferi olacaq.

Real Madridin prezidenti Florentino Peresin Ardanın gedişinə razılıq verib-verməyəcəyi bəlli deyil.