Aİ və Kiyev Trampın sülh planına bir səbəbdən qarşı çıxacaq

Rəsmi Kiyev, Avropa İttifaqının (Aİ) üzvləri və bəzi ABŞ qanunvericiləri ABŞ-nin yeni seçilmiş prezidenti Donald Trampın Ukrayna münaqişəsinin həlli ilə bağlı təkliflərinə qarşı çıxacaqlar.

Musavat.com “Röyter”ə istinadla xəbər verir ki, bunun səbəbi odur ki, mümkün planda respublikanın NATO-ya qoşulması nəzərdə tutulmayacaq.

Qeyd olunur ki, Trampın sülh təklifləri Kiyevin Şimali Atlantika alyansına üzvlüyünü Rusiya ilə barışıq üçün əsas məqam adlandıran Ukrayna prezidenti Vladimir Zelenskinin “müxalifəti ilə üzləşəcək”.

Agentlik qeyd edir ki, Avropa İttifaqı ölkələrinin rəhbərliyi və ABŞ Konqresi Ağ Ev rəhbərinə maneələr yaradacaq ki, Rusiya ilə razılaşma əldə olunmaz olsun və düşmənçilik davam etsin. Beləliklə, Trampın Kiyevi danışıqlar masasına oturmağa məcbur etmək üçün gözlədiyindən daha az təsir rıçaqları ola bilər.

Bundan əvvəl Rumıniyada prezident seçkilərinin ilk turunda gözlənilmədən qalib gələn müstəqil namizəd Kalin Georgesku Ukrayna ilə bağlı verəcəyi qərarlarda Trampı dəstəklədiyini açıqlayıb. Onun sözlərinə görə, bu məsələdə o, Trampın etdiyi hər şeyi edəcək.