Hava limanlarında qlobal nasazlıq: Uçuşlar 1 saat gecikdi

Türkiyə hava limanlarında pasport nəzarəti üçün istifadə edilən POLNET polis sisteminin nasazlığı səbəbindən qlobal fasilə yaranıb.

Musavat.com xəbər verir ki, bu barədə “Havahaber” məlumat yayıb.

Bildirilir ki, noyabrın 26-da minlərlə sərnişin pasport nəzarətindən keçə bilməyib və bu səbəbdən hava limanlarında uzun növbələr yaranıb. Antalya və İstanbul hava limanlarından uçuşlar 30-40 dəqiqə, hətta bir saat gecikib.

Qeyd edək ki, bir müddət əvvəl Microsoft-da baş verən qlobal texniki nasazlıq bütün dünya üzrə hava limanlarının və aviaşirkətlərin işini pozmuşdu.