Vüqar Qurbanov: COP29 iştirakçılarından tibbi yardım üçün müraciətlər müşahidə olunur

COP29 müddətində təcili yardımla əlaqəli hazırlıq prosesi bitib və xidmət ərəfəsindəyik.

Bunu TƏBİB-in icraçı direktoru Vüqar Qurbanov COP29 çərçivəsində jurnalistlərə açıqlamasında deyib.

O bildirib ki, həm “yaşıl”, həm də “mavi” zonada təcili yardım briqadaları fəaliyyət göstərir.

V.Qurbanovun sözlərinə görə, artıq tədbir iştirakçıları arasında tibbi yardım üçün müraciət edənlər var:

“Razılaşdırılmış yerlərin hamısında təcili yardım xidməti qurulub və 24 saat xidmət göstərir. Hotel və qonaqlama yerlərində tapşırıqlar əsasında təcili tibbi yardım briqadaları var. Səhiyyə Nazirliyi, TƏBİB və özəl tibb müəssisələri birlikdə 9 tibb müəssisəsi xidmətin təşkili üçün bu işə cəlb olunub.

Artıq tədbir iştirakçılarından tibb müəssisələrinə müraciətlər müşahidə olunur. Qonaqlara tibbi xidmətlər yüksək səviyyədə təmin edilir. Artıq müraciət edənlər var və yüksək tibbi xidmət göstərilir”