Binəqədi və Abşeron rayonlarının bəzi ərazilərinin Sumqayıta verilməsinin hansı üstünlükləri var?

Bakının Binəqədi rayonunun, həmçinin Abşeronun bəzi ərazilərinin Sumqayıtın inzibati ərazisinə daxil edilməsindən xeyli vaxt ötür.

Maraqlıdır, bəs bu müddətdə həmin ərazilərdə nə dəyişib? Sözügedən ərazilərdə, xüsusilə, daşınmaz əmlak və kirayə qiymətlərində dəyişiklik varmı?

Rieltorlar deyiblər ki, son vaxtlar sözügedən ərazilərdə böyük torpaq sahələri alanların sayı azalıb.

Onların sözlərinə görə, daşınmaz əmlak bazarında müşahidə olunan dəyişiklik bu ərazilərdən də yan keçməyib.

Sumqayıt Şəhər İcra Hakimiyyətinin mətbuat katibi Eyvaz Qocayev isə bildirib ki, Binəqədi rayonunun, Sumqayıt şəhərinin və Abşeronun sərhədləri müəyyənləşdiriləndən sonra sənədləşmə və texniki işlər baxımından sakinlərin işi xeyli asanlaşıb.

Eyvaz Qocayev vurğulayıb ki, qanunun qəbulundan sonra ərazilərin xəritəsi dəqiqləşdirilib. Xidmət sahələri də əvvəlki kimi Sumqayıtla bağlıdır.

Ətraflı “Xəzər xəbər”in süjetində: