Hacıqabulun yeni icra başçısı kollektivə təqdim olunub

Hacıqabul Rayon İcra Hakimiyyətinin yeni başçısı Sevindik Hətəmov bu gün rayon ictimaiyyətinin nümayəndələrinin iştirakı ilə kollektivə təqdim olunub.

İctimai Rəy  xəbər verir ki, yeni icra başçısını kollektivə Prezidentin köməkçisi – Ərazi-təşkilat məsələləri şöbəsinin müdiri Zeynal Nağdəliyev təqdim edib.

Təqdimatda Zeynal Nağdəliyev çıxış edib və ölkə başçısının tapşırıq və tövsiyələrini çatdırıb.

S.Hətəmov ona göstərilən etimada görə minnətdarlıq edib.