Medvedyev: “Kurska hücumdan sonra heç bir danışıqdan söhbət gedə bilməz”

Rusiya Təhlükəsizlik Şurasının sədr müavini Dmitri Medvedyev bildirib ki, Ukrayna ordusunun Kursk vilayətinə hücumundan sonra sülh danışıqları aparıla bilməz.

Eks-prezident Telegram kanalında Rusiyanın bu yaxınlarda düşə biləcəyi “bir təhlükənin – danışıqlar tələsinin” olduğunu, “beynəlxalq ictimaiyyət tərəfindən təklif olunan və Kiyev rejiminə tətbiq edilən erkən lazımsız sülh danışıqlarının” olduğu barədə yazıb.

“Neonasistlər Kursk vilayətində terror aktı törətdikdən sonra hər şey öz yerinə düşdü. İcazəsiz vasitəçilərin ecazkar dünya mövzusunda boş söhbətlərinə son qoyuldu”, – Medvedyev vurğulayıb. “İndi hamı başa düşür ki, düşmən tamamilə məğlub olana qədər daha danışıqlar olmayacaq”, – o yazıb.

Bundan əvvəl Medvedev ukraynalı yaraqlıların hücumu nəticəsində Kursk vilayətinə dəymiş ziyanın onun düşmənlərinin Rusiyaya vurduğu ziyanın reyestrinə daxil ediləcəyini bildirmişdi. O, həmçinin Kursk vilayəti ərazisinə hücumuna görə Ukraynanın cəzalandırılacağını vurğulayıb.

Qeyd edək ki, Rusiya-Ukrayna müharibəsi başlayandan bəri D.Medvedyev Ukraynaya və Qərbə arasıkəsilməz təhdidlər sovurur, nifrət püskürür.\\musavat\\