Harrisin seçkiqabağı qərargahı xarici hakerlərin hücumuna uğrayıb

ABŞ vitse-prezidenti Kamala Harrisin seçkiqabağı qərargahı Federal Təhqiqatlar Bürosu (FTB) tərəfindən ötən ay “xarici aktorun təsir əməliyyatı ilə hədəfə alındığı” barədə xəbərdar edildiyini bildirib.

“Report” xəbər verir ki, bu barədə NBC-nin jurnalisti Monika Alba çərşənbə axşamı bildirib.

“Bizim güclü kibertəhlükəsizlik tədbirlərimiz var və sistemlərimizdə bu səylər nəticəsində hər hansısa təhlükəsizlik pozuntuları bizə bəlli deyil”, – deyə, müxbirə görə, Harrisin seçkiqabağı kampaniyası açıqlayıb.