“İvanişvili, Fitso və Trampa qarşı sui-qəsdlər eyni qüvvələrin işidir” – Kobaxidze

“Hakim “Gürcü Arzusu” partiyasının fəxri sədri Bidzina İvanişvilinin həyatına sui-qəsd cəhdini həyata keçirənlər, Robert Fitso və Donald Trampı öldürmək istəyənlər eyni qüvvələrdir”.

Bu barədə Gürcüstanın baş naziri İrakli Kobaxidze danışıb.

“Bu yaxınlarda iki terror aktı baş verib – biri Slovakiyada, ikincisi ABŞ-da. Bunlar qlobal siyasi qüvvələri xarakterizə edən ümumi imzadır”, – deyə Kobaxidze qeyd edib.

Qeyd edək ki, Gürcüstanın Dövlət Təhlükəsizlik Xidməti Bidzina İvanişviliyə qarşı sui-qəsd hazırlığı ilə bağlı bəyanat verib. DTX-nin fikrincə, sui-qəsd Ukraynada yaşayan keçmiş gürcü məmurları tərəfindən təşkil edilib və maliyyələşdirilib.\\musavat\\