YAP rəhbərliyi qərargaha yığışır: Namizədlər az sonra açıqlanacaq

Bu gün hakim Yeni Azərbaycan Partiyasının (YAP) İdarə Heyəti iclas keçirəcək. İclasda sentyabrın 1-də keçiriləcək növbədənkənar parlament seçkilərində partiyanın namizədləri müəyyən ediləcək.

Modern.az-ın məlumatına görə, partiyanın İdarə Heyətində təmsil olunan şəxslər artıq YAP-ın binasına gəlməyə başlayıb.

Toplantının yaxın saatlarda başlayacağı gözlənilir.

İclasdan sonra hakim partiyanın bütün seçki dairələri üzrə namizədlərini açıqlayacaq.

Qeyd edək ki, YAP-ın İdarə Heyətində 40 nəfər təmsil olunur.