Qazaxda iki avtomobil toqquşub, xəsarət alanlar var
Qazax şəhərində bir neçə nəfərin xəsarət alması ilə nəticələnən yol-nəqliyyat hadisəsi olub.
“Report”un Qərb bürosunun məlumatına görə, hadisə mərkəzi prospektlərin birində qeydə alınıb.
“Ford” və digər minik avtomobilinin toqquşması nəticəsində azı 3 nəfərin xəsarət aldığı bildirilir. Zərərçəkənlər təcili tibbi yardım briqadası və yaxınlıqdakı vətəndaşların köməyi ilə xəstəxanaya çatdırılıb.
Onların kimliyi dəqiqləşdirilir.
Faktla bağlı araşdırma aparılır.