Tarix terrorçuları…

Tarixə hörmətsiz yanaşan, xüsusən də qonşu xalqların tarixini təhrif etməyə çalışan xəstə xalqların olduğunu bilirsiniz. Əfsuslar olsun ki, biz həmin xalqlardan üçü ilə qonşuyuq. Söhbət ruslardan, farslardan və ermənilərdən gedir. Siz fars və erməni tarixçilərinin, siyasətçilərinin Azərbaycanla bağlı tarixi gerçəklikləri təhrif etmək cəhdlərindən kifayət qədər məlumatlısınız. Ona görə də biz bu gün əsas etibarilə rusiyalı deputatların, rəsmilərin, ekspertlərin tarix terrorçuluğuna diqqət yetirməliyik.

Çünki bunun üçün informasiya səbəbimiz də var. Belə ki, erməni lobbisinin muzdlu köpəklərindən biri olan Rusiya Dövlət Dumasının deputatı və MDB işləri üzrə komitə sədrinin birinci müavini Konstantin Zatulin Moskvada keçirilən “Lazarev Klubu”nun 6-cı iclasında yenə Azərbaycan əleyhinə bir sıra ittihamlar səsləndirib.
Bu qatı ermənipərəst ünsür son illərdə erməni faşizminin təbliği yönündə əsas platformalardan birinə çevrilən “Lazarev klubu”na yığışmış şovinist-millətçi əhval-ruhiyyəli rusiyalı və erməni analitiklərin qarşısında çıxış edərkən erməniləri revanşizmə təhrik etmək, qızışdırmaq məqsədilə tarixi həqiqətlərə zidd fikirlər səsləndirib, Qarabağdakı alban kilsələrinin “erməni kilsəsi” olduğunu iddia edib və əksər rus-erməni şovinistlərinə xas olan həyasızlıqla deyib ki, həmin kilsələr guya hazırda Azərbaycan tərəfindən albanlaşdırılır.

Zatulin sərsəm fikirlərini bir qədər də konkretləşdirərək Kəlbəcər rayonu ərazisindəki Xudavəng monastırı barədə “ürək yanğısı” ilə danışıb və bu monastırı ermənilərin tərzi ilə “Dadivank monastırı” adlandırıb.
Zatulinin həmin çıxışından qısa iqtibas:

“2020-ci ildə sülhməramlılarımız Qarabağa daxil olarkən, erməni tərəfinin xahişi ilə Dadivank monastırında xüsusi post yaradılmışdı. Erməni tərəfi bu monastırın qorunub saxlanmasının vacibliyində təkid edirdi. Bu gün bilirsiniz ki, artıq orada sülhməramlıların postu yoxdur və bu monastırın adı artıq dəyişdirilib, Azərbaycan transkripsiyasında başqa adla gedir. Bu, mədəni və tarixi irsə qarşı birbaşa cinayətdir və hesab edirəm ki, məsələ mütləq bizim yekun bəyanatımıza daxil edilməlidir”.

Azərbaycan əleyhinə qaralama kampaniyasını davam etdirən K.Zatulin daha sonra bildirib ki, “Qarabağda erməni xalqının öz müqəddəratını təyin etmək hüququ zorakılığa məruz qalıb”.

Rusiyalı parlamentarinin bu bəyanatı həm Azərbaycanın ərazi bütövlüyünə açıq-aşkar hörmətsizlik nümunəsidir, həm erməni separatizmini dəstəkləmək cəhdidir, həm də Azərbaycan ilə Rusiya arasında imzalanmış “Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında” Bəyannamənin prinsiplərinə tamamilə ziddir.

Rusiyanın hakim partiyasının üzvü olan deputat K.Zatulin bu cür təxribatçı açıqlamaları ilə əslində birbaşa öz liderinin – Rusiya prezidenti Vladimir Putinin imzaladığı müttəfiqlik sənədinə qarşı çıxır.

Onun deputat həmkarı, Rusiya Dövlət Dumasının sədr müavini Pyotr Tolstoy isə ötən gün Qazaxıstanla bağlı əcaib fikirlər səsləndirib, Qazaxıstanın müstəqilliyini, dövlətçiliyini, ərazi bütövlüyünü şübhə altına alan ifadələr işlədib.

Belə ki, Tolstoy iddia edib ki, Qazaxıstanda millətçilik ideyaları güclənir, “müstəqillik haqqında milli mifologiya çiçəklənir” və “müəyyən bir qazax dövlətinin yenidən qurulması səyləri davam edir”.

Rusiyanın nüfuzlu rəsmi şəxslərindən biri sayılan P.Tolstoy həmçinin Qazaxıstanın Almatı şəhərinin qazaxlara heç bir aidiyyatı olmadığını bildirib və bu şəhərin tarixən “rus kazaklarının qalası” olduğunu iddia edib.
Xatırlayırsınızsa, öz tədqiqatlarında imperiya ideologiyasını və monarxizmi təbliğ edən Rusiyanın millətçi tarixçisi Mixail Smolin də bu yaxınlarda NTV telekanalında çıxış zamanı demişdi ki, “1917-ci il inqilabına qədər qazax, özbək və azərbaycanlı kimi xalqlar olmayıb”.

Rusiyanın tanınmış şəxslərinin bu cür şovinist və neoimper çıxışlarına dair misallar çoxdur. Ancaq hazırkı Rusiya elitasının qonşu xalqların tarixinə qarşı necə sayğısız və cahilcə yanaşdığını görməyimiz üçün, zənnimcə, Zatulin, Tolstoy və Smolinin tarixi həqiqətləri təhrif edən qeyd etdiyim sərsəm fikirləri də bəs edər.
Bu adamlar tarixdən danışsalar da, lakin əsl həqiqətdə isə psevdo-tarixçiliklə məşğuldurlar. Onların gerçək tarixdən xəbərləri yoxdur. Ümumiyyətlə, hazırkı Rusiya rəsmiləri, alimləri, ekspertləri arasında bizim Qafqaz Albaniyasının tarixini, alban kilsələrinin Rusiya çarizminin “xeyir-dua”sı ilə necə “erməniləşdirilməsi” prosesini bütün təfərrüatı ilə bilən bir nəfər də olsun kompetent şəxs yoxdur. Hətta tarixi mövzuları hamıdan çox araşdıran və 44 günlük müharibə dönəmində Azərbaycanı dəstəkləyən Maksim Şevçenko da bu mövzulardan xəbərsizdir.
Ancaq həyasızlığın dərəcəsinə baxın ki, zatulinlər, milonovlar, yevseyevlər mahiyyətini dərindən bilmədikləri tarixi mövzular üzrə “ekspert”lik edirlər. Köçəryandan və Rusiyadakı erməni lobbisindən aldıqları pulların əvəzini ödəmək üçün hətta Rusiyanı da satmağa hazır olan Zatulin ermənilərin alban kilsələrini “erməniləşdirməyə” cəhd göstərdiklərini etiraf etmək əvəzinə, Azərbaycanın bu kilsələri albanlaşdırdığını iddia edir. Bax, bundan böyük həyasızlıq ola bilməz. Bunun adı tarixi zorlamaqdır. Peşəkar tarixçilər isə heç vaxt bu cür terrorçuluğa qol qoymazlar. Çünki tarix terrorçuluğu da elə siyasi terrorçuluq qədər təhlükəlidir.

P.S.
Kreml bu terrorçuların ipini yığmalıdır.

Araşdırmaçı jurnalist Bəybala Mirzəyev