Gürcü spiker prezidentin yerinə qanunu özü imzalayacağına söz verib

Gürcüstan parlamentinin spikeri Şalva Papuaşvili güman edir ki, ölkə prezidenti Salome Zurabişvili xarici agentlər haqqında qanunu imzalamayacaq, ona görə də mayın 29-da onun yerinə bunu özü edəcəyini bəyan edib.

İctimai Rəy Musavat.com-a istinadla xəbər verir ki, spiker xarici agentlər haqqında qanunun bir gün əvvəl, mayın 28-də prezident administrasiyasına göndərildiyini xatırladıb.

“İndi biz imza gözləyirik. Aydındır ki, böyük ehtimalla o (Zurabişvili) bunu imzalamayacaq. Müvafiq olaraq, mən bu qanunu imzalayacağam”, – Papuaşvili mətbuat konfransında deyib.