Tayvan lideri Çini hücum etməməyə çağırıb

Tayvanda yeni prezident Lay Sindenin andiçmə mərasimi keçirilib.

İctimai Rəy Musavat.com-a istinadla istinadla xəbər verir ki, o, Çinlə sülh istədiyini bildirib və onu hərbi təhdidlərdən əl çəkməyə çağırıb.

“Ümid edirəm ki, Çin qarşıdurma yox, dialoqu seçəcək”, – prezident deyib.

Lakin Çində Lay Sindeni bölücü adlandırır və xatırladırlar ki, onun Demokratik Tərəqqi Partiyası (DTP) seçkilərdə yalnız 40% səs toplayıb. Çin mediası adadakı hakimiyyəti materiklə əlaqələri genişləndirmək istəyən vətəndaşları qorxutmaqda ittiham edir və hesab edir ki, bunun nəticəsində sülh yolu ilə birləşmə şansları getdikcə azalır.

Pekinin “Global Times” qəzeti adadakı bir çox insanın, o cümlədən müxalifət partiyalarının üzvlərinin yeni prezidenti Çini qəzəbləndirməməyə və gərginliyi artırmamağa çağırdığını bildirib. Bazar günü Taypeydə hətta “yaşıl terrora” qarşı nümayiş də keçirilib. Yaşıl DTP-nin rəngidir, buna görə də bu şüar altında etiraz edilir.

Tayvan boğazının hər iki tərəfindəki analitiklər Çin və ABŞ arasındakı rəqabətin Sindenin qərarlarına təsir edəcəyinə inanırlar. Ehtimal olunur ki, Çin separatçı hərəkətlərin və ya mümkün təxribatların qarşısını almaq üçün adaya hərbi təzyiq göstərməyə davam edəcək.