Ukrayna kəşfiyyatı Krım adasında Rusiyanın desant katerini vurub

Ukrayna Baş Kəşfiyyat İdarəsi “Magura V5” dronları vasitəsi ilə ilhaq edilmiş Krım adasında Rusiyanın “Serna” tipli desant katerini vurub.

“Report” “RBK-Ukraina”ya istinadən xəbər verir ki, bu barədə Ukraynanın xüsusi xidmətindən bildirilib.

Məlumata görə, hadisə Qara dənizdə Uzkaya buxtasında mayın 6-da gecə saatlarında baş verib.

Vurğulanıb ki, Rusiya İlan adasına hərbi texnika və desant daşımaq üçün bu katerdən istifadə edib.