Ceyhun Bayramov Qətərin baş naziri ilə GÖRÜŞDÜ

Azərbaycan xarici işlər naziri Ceyhun Bayramov Qətərin baş naziri və xarici işlər naziri ilə görüşüb.

İctimai Rəy xəbər verir ki, bu barədə Azərbaycan Xarici İşlər Nazirliyinin “X” hesabında paylaşım edilib.

“Azərbaycan xarici işlər naziri Ceyhun Bayramov Qətərin Baş naziri və xarici işlər naziri Məhəmməd bin Əbdürrəhman Al-Tani ilə görüşərək ikitərəfli gündəmdə duran mühüm məsələləri və yeni əməkdaşlıq sahələrinə xüsusi diqqət yetirməklə Azərbaycan və Qətər arasında mövcud tərəfdaşlığın gücləndirilməsi perspektivlərini müzakirə edib”, – məlumatda qeyd edilib.