Zelenski Ukrayna Silahlı Qüvvələrinin yeni baş komandanı ilə bağlı tələblərini səsləndirib

Ukrayna prezidenti Vladimir Zelenski Telegram kanalında yerləşdirdiyi videoda Ukrayna Silahlı Qüvvələrinin yeni Baş Komandanı Aleksandr Sırskiyə qoyulan tələblərdən danışıb.

İctimai Rəy APA-a istinadən xəbər verir ki, Zelenski bildirib ki, hazırda ölkənin müdafiə qüvvələrinin sayı bir milyona yaxındır.

“Bu gün onların əksəriyyəti cəbhə xəttində faktiki olaraq bir azlığın döyüşdüyü kimi cəbhəni hiss etməyib”, – deyə dövlət başçısı bildirib.

Onun sözlərinə görə, bu o deməkdir ki, səfərbərliyə, hərbi rotasiyaya və cəbhənin idarə olunmasına fərqli yanaşma lazımdır.