Ekvador Rusiyanın imtinasından sonra bananını satmağa yer tapmır

Ekvador Rusiyanın yerli bananları almaqdan imtina etməsindən “təəccüblənir”, çünki bu meyvələrin Rusiyaya ixracı respublika üçün zəruridir.

İctimai Rəy xəbər verir ki, bu barədə Karib dənizinin Sent Kitts və Nevis adası əyalətində nəşr olunan “Saint Kitts & Nevis Observer” qəzeti yazıb.

Nəşr Ekvadorun banan ixracatçılarının əsas assosiasiyalarından biri olan Riçard Salazardan sitat gətirir. Cənab Salazar Rusiyanın bu cür radikal qərarından təəccübləndiyini söyləyib və əlavə edib: “Rusiya bazarı Ekvador üçün çox vacibdir və onu əvəz etmək çətin olacaq”. O, problemi həll etmək üçün Rusiya səlahiyyətliləri ilə görüşməyə çalışacağını və qadağanın aradan qaldırılmasını xahiş edəcəyini bildirib.

Ekvador xarici işlər nazirinin keçmiş müavini Karlos Estarellas izah edib ki, ölkədəki xüsusi banan çıxılmaz vəziyyəti ancaq Rusiya ilə diplomatik danışıqlar yolu ilə həll edilə bilər.

Qeyd edək ki, Ekvador banan ixracı üzrə dünya lideridir. Başqa sözlə, Ekvador iqtisadiyyatı banandan asılıdır, ölkədə qeyri-banan sektoru zəif inkişaf edib. \\Musavat.com\\