Şanxay Əməkdaşlıq Təşkilatının baş katibi seçkidən danışdı

“Seçkilərə beynəlxalq müşahidəçilərin dəvəti maksimum açıqlığın təmin edilməsinin nümunəsidir”.

İctimia Rəy Musavat.com-a istinadən xəbər verir ki, bunu Şanxay Əməkdaşlıq Təşkilatının (ŞƏT) baş katibi Çjan Min Azərbaycanda keçirilən növbədənkənar prezident seçkilərində aparılan monitorinqin yekunlarına dair brifinqdə deyib.

O qeyd edib ki, Şanxay Əməkdaşlıq Təşkilatının baş katibi olaraq tarixi seçkilərdə iştirak etmək böyük şərəfdir:

“Seçkilərə beynəlxalq müşahidəçilərin dəvəti maksimum açıqlığın, şəffaflığının təmin edilməsinin nümunəsidir. Bu tarixi seçki mühüm əhəmiyyətə malikdir. Seçkilərdə sərbəstlik, müstəqillik və bitərəflik müşahidə olundu. Tam şəffaflıq təmin olundu”.