Ukraynanın Qazaxıstandakı keçmiş səfiri terrorçular və ekstremistlər siyahısına əlavə edilib

Rusiya Federasiyasının Maliyyə Monitorinqi üzrə Federal Xidməti Ukraynanın Qazaxıstandakı keçmiş səfiri Pyotr Vrublevskini terrorçular və ekstremistlər siyahısına daxil edib.

İctimai Rəy Musavat.com-a istinadla xəbər verir ki, buna səbəb Pyotr Vrublevskinin qazaxıstanlı bloger Dias Kuzairovla müsahibəsində “İndi nə qədər çox rus öldürsək, uşaqlarımız bir o qədər az öldürməli olacaq” deməsidir.

Səfir sonradan qalmaqallı açıqlamalarına görə üzr istəsə də, Ukrayna prezidenti Vladimir Zelenski onu Ukraynanın Qazaxıstandakı səfiri vəzifəsindən uzaqlaşdırıb.