Bu gündən Milli QHT Forumunun regional forumları başlayır

Bu gündən etibarən Azərbaycan Milli QHT Forumunun regional forumları başlayır.

İctimai Rəy xəbər verir ki, ilk belə tədbir bu gün Lənkəran şəhərində keçiriləcək.

Bu regionu əhatə edən qeyri-hökumət təşkilatlarının nümayəndələri foruma toplaşacaq. Milli QHT Forumunun prezidenti Rauf Zeyni bildirib ki, regional forumlarda əsas məqsəd bölgələrdəki ehtiyacları və vəziyyəti yerində qiymətləndirməkdir.

Qeyd edək ki, AMQF-nun regional forumları yanvarın 8-nədək davam edəcək. Regional forumların dekabrın 26-da Qubada, dekabrın 27-də Şəkidə, dekabrın 29-da Gəncədə, 2024-cü il yanvar ayının 8-də Naxçıvan şəhərində davam etdirilməsi nəzərdə tutulur.

Yanvarın 10-da isə Azərbaycan Milli QHT Forumu Bakıda Ümumrespublika Forumu keçirəcək.