Ermənistana hərbi texnika daşındı – Tiflisdən cavab

Xəbər verdiyimiz kimi, Gürcüstanın Poti limanı vasitəsilə Fransanın 20-dən çox “ACMAT Bastion” zirehli texnikası Ermənistana daşınmışdı.

İctimai Rəy xəbər verir ki, “APRI Armenia”nın hərbi analitiki və tədqiqatçısı Leonid Nersisyan öz X sosial şəbəkəsindən fotolar paylaşaraq, Ermənistanın Gürcüstanın Poti limanı vasitəsilə fransız hərbi texnikası aldığını təsdiqləyib. Lakin o bildirib ki, hərbi texnika 20 deyil, ən azı 21 ədəddir.

Məlumatı Gürcüstan da təsdiqlənib. “APM Terminals Poti” şirkəti “Azadlıq” radiosunun Gürcüstan xidmətinə bildirib ki, Fransanın “Bastion” zirehli maşınlarının tranziti Ermənistan üçün nəzərdə tutulub:

“Bu yük AB ölkəsi olan Fransadan gəlib və sanksiyaların tətbiq olunmadığı Ermənistana göndərilib. Bundan əlavə, Gürcüstan hökumətinin dəqiq göstərişləri və beynəlxalq tənzimləyicilər tərəfindən müəyyən edilmiş məhdudiyyətlər olmadığı üçün “APM Terminals Poti” sanksiyalar altında olmayan yükləri qəbul etməkdən əsassız olaraq imtina edə bilməz”, – Poti limanının əməliyyat şirkətinin bəyanatında deyilir.