Rusiya Afrikanı ələ keçirir: daha 6 ölkə…

Rusiya daha bir neçə Afrika ölkəsi ilə müqavilə imzalamağı planlaşdırır.

İctimai Rəy Axar.az-a istinadən xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.

Məlumata görə, Rusiya müdafiə nazirinin müavini Aleksandr Fomin bildirib ki, Moskva yaxın gələcəkdə daha altı Afrika ölkəsi ilə hərbi əməkdaşlıq müqaviləsi imzalayacaq.

Fominin sözlərinə görə, son illər Rusiya Afrika ölkələri ilə müdafiə sahəsində əməkdaşlığı fəal şəkildə inkişaf etdirir:

“Hazırda 54 Afrika ölkəsindən 30-u ilə hərbi müqavilələr imzalanıb”.

Fomin Rusiyanın hansı Afrika ölkələri ilə müqavilə imzalayacağını dəqiqləşdirməyib.

Qeyd olunur ki, Rusiyanın müdafiə naziri Sergey Şoyqu və müdafiə nazirinin müavini Yunus-Bek Yevkurov son aylarda Burkina-Faso, Niger, Mali və Liviya nümayəndə heyətləri ilə görüşüb.