HƏMAS-dan TƏCİLİ AÇIQLAMA – Bunu qəbul etməyəcəyik

“HƏMAS Qəzza zolağında ABŞ və İsrail üçün əlverişli olan oyuncaq hökuməti heç vaxt qəbul etməyəcək və bu ərazini idarə etməyə davam edəcək”.

İctimai Rəy xəbər verir ki, HƏMAS-ın nümayəndəsi Usama Hamdanın müvafiq bəyanatını “The Times of Israel” nəşri dərc edib.

“HƏMAS xalqımızın şüurunda kök salacaq və yer üzündə heç bir güc bizi məhv edə və ya kənarlaşdıra bilməyəcək. Xalqımız ABŞ-ın onlara uyğun administrasiya yaratmaq planlarını tətbiq etməyə imkan verməyəcək və yeni hökuməti qəbul etməyəcək”, – o deyib.