Təbii fəlakət 100-dən çox insanın ölümünə səbəb oldu

Hindistanın şimalında yağışların səbəb olduğu daşqınlar və torpaq sürüşmələri nəticəsində 100-dən çox adam ölüb.

Bu barədə “India Today” telekanalı məlumat yayıb.

Təbii hadisədən daha çox Himaçal-Pradeş əyaləti zərər çəkib. Burada çoxsaylı sürüşmə müşahidə olunub, yaşayış məntəqələri su altında qalıb. Şimal ştatlarında nəqliyyatın hərəkəti dayandırılıb, nəticədə 300-ə yaxın turist hələ də dağlarda qalıb.

Ümumilikdə təbii fəlakət nəticəsində ştatda 80-ə yaxın insan həlak olub. Hazırda yağışlar, demək olar, dayanıb.

Hazırda xilasetmə və bərpa işləri aparılır.