Sərhəddə təhlükəli gəlişmə: 26 minlik canlı qüvvə bölgəyə göndərildi

Rusiya Bryansk, Kursk və Belqorod vilayətlərinin Ukrayna ilə sərhəd rayonlarına 26 minlik canlı qüvvə və 150-yə yaxın tank, zirehli texnika və artilleriya göndərib.

Teleqraf.com xəbər verir ki, bu barədə ukraynalı hərbi ekspert Vladislav Seleznyov məlumat verib.

Onun fikrincə, bu, Xarkov və ya Sumı vilayətlərində sıçrayış üçün kifayət etmir. Amma o, etiraf edir ki, Rusiya bu qüvvələri Kupyan istiqamətindəki qoşunlarına cəlb edərsə, belə bir ssenari mümkündür.

“Məsələn, Sumı və ya Xarkovda sıçrayış üçün kifayət deyil. Amma bu qüvvələrin hərəkətlərini Kupyan istiqamətindəki kontingentlə sinxronlaşdırsalar, bizə böyük bəlalar gətirə bilərlər”, – Seleznyov deyib.