Ukraynanın əks-hücum əməliyyatı fonunda Rusiya cəbhə xəttində hava zərbələrinin sayını kəskin artırıb.

Bu barədə Ukrayna Silahlı Qüvvələrinin Baş Qərargahının hesabatında bildirilib.

Bildirilib ki, Rusiya aviasiyası gün ərzində orta hesabla, əsasən cəbhə xəttində 53 zərbə endirir. Ümumilikdə, iyunda Rusiyanın 1126 hava hücumu artıq hesablanıb. Bununla bağlı ən ağır hadisə iyunun 11-də olub, o zaman işğalçılar 92 zərbə endiriblər.