Əcnəbiyə qarşı dələduzluq edən şəxsə hökm oxundu

Azərbaycanda xarici ölkə vətəndaşına qarşı dələduzluqda təqsirləndirilən Elgün Nadirova hökm oxunub. O 7 il 6 ay müddətinə azadlıqdan məhrum edilib.

Report xəbər verir ki, bu barədə hökm Bakı Ağır Cinayətlər Məhkəməsinin hakimi İlham Mahmudovun sədrliyi ilə keçirilən prosesdə elan edilib.

Qeyd edək ki, E.Nadirov İran vətəndaşı Mirzaei Nejad Ojani Ghszalehə qarşı dələduzluq edib. Onun barəsində Cinayət Məcəlləsinin 178.3.2-ci (külli miqdarda dələduzluq törətmək) maddəsi ilə ittiham elan olunub.