“Şuşa Bəyannaməsi regionda sülh və sabitliyin təminatıdır”
“Türkiyə prezidenti Ərdoğanın Azərbaycana səfəri onu göstərdi ki, iki ölkə arasında əməkdaşlıq uğurla davam edir. Mənim fikrimcə qardaş Türkiyə ilə olan əməkdaşlıq sarsılmazdız”
Bu fikirləri Müstəqil Həmkarlar Birliyinin sədri Fuad Əliyev bildirib.
“İki prezident – İlham Əliyev və Rəcəb Tayyib Ərdoğan öz çıxışlarında bir daha bildirdilər ki, Şuşa Bəyannaməsi regionda sülh və sabitliyin təminatıdır. Həm Şuşa Bəyannaməsi, həm də, 9 noyabr 2020-ci ildə imzalanan üçtərəfli bəyannamədə, regionda nəqliyyat-kommunikasiya əlaqələrinin bərpa edilməsi, Zəngəzur dəhlizinin açılması qeyd edilib. Bunu geopolitik və geoiqtisadi layihələrin reallaşdırılması diqtə edir”- Fuad Əliyev qeyd edib.
Fuad Əliyev Prezident İlham Əliyevin Zəngəzur dəhlizi ilə bağlı fikirlərini şərh edərkən bildirib: “Prezidentin çıxışında tam aydın görünür ki, İlham Əliyev, Zəngəzur dəhlizinin açılması ilə qətiyyətli davranmaq niyyətindədir. Geriyə dönüş yoxdur. Türkiyə prezidenti də öz çıxışında bir daha Zəngəzur dəhlizi məsələsində Azərbaycana tam dəstəyini bildirdi”.