Moldovanın MDB çərçivəsində imzalanmış sazişlərdən çıxması onun iqtisadiyyatına mənfi təsir göstərəcək.

Bunu Moldovanın keçmiş prezidenti, Sosialist Partiyasının lideri İqor Dodon bildirib.

“MDB ilə müqavilələrin ləğvi Moldova iqtisadiyyatına, kənd təsərrüfatına, sənayesinə və s. əlavə ağır, bəlkə də ölümcül zərbə olacaq. Əgər belə bazar yoxdursa, biz mallarımızla nə edəcəyik? Avropa onları almayacaq”, – siyasətçi bildirib.

Qeyd edək ki, Moldova MDB çərçivəsində daha iki sazişi (təbii və texnogen xarakterli fövqəladə halların qarşısının alınması və nəticələrinin aradan qaldırılması sahəsində əməkdaşlıq haqqında və MDB-yə üzv dövlətlər arasında strateji silahlı qüvvələr haqqında) denonsasiya edib.