Szinpin bu il də Putini təbrik etmədi

Çin lideri Si Szinpin mayın 9-da Rusiya Prezidenti Vladimir Putini yenə təbrik etməyib.

Axar.az xəbər verir ki, bu barədə “Döyçe Velle” məlumat yayıb.

Məlumata görə, Çin Qələbə Günü ilə əlaqədar Rusiyadan rəsmi təbriklər barədə məlumat verməyib:

“Çin Xarici İşlər Nazirliyinin saytında Szinpinin mayın 9-da Putinə təbrik mesajı göndərdiyini göstərən heç bir məlumat yoxdur. Çin mediası isə bu barədə susur”.

Maraqlıdır ki, ötən il də Çin Rusiyanı sözügedən Qələbə münasibətilə təbrik etməyib, lakin Pekin əvvəlki illərdə – Ukraynada müharibə başlamazdan əvvəl Moskvanı dəfələrlə təbrik edib.