Netanyahudan İrana mesaj: Yeganə yol hərbi əməliyyatdır

İsrailin Baş naziri Benyamin Netanyahu hesab edir ki, İranın nüvə dövlətinə çevrilməsinin qarşısını almağın yeganə yolu real hərbi əməliyyatlardır.

Hökumət başçısı bu barədə “CNN” telekanalına müsahibəsində danışıb.

Baş nazir İsraili, ABŞ-ı və qonşu ərəb ölkələrini nəzərdə tutaraq, İrana qarşı mübarizə aparmağın hamının borcu olduğunu söyləyib: “Bu, bizim hamımızın borcudur”.

“Müşahidələrimiz göstərir ki, bizim iqtisadi və siyasi səylərimiz İranın ilkin planlarını alt-üst edib”,- deyə Netanyahu vurğulayıb.