Kim Çen İnin bacısı ABŞ-ı hədələdi

Əgər KXDR qitələrarası raketinin Sakit okeana növbəti sınaq buraxılışı zamanı ABŞ onu vurmağa cəhd etsə, Pxenyan bu hərəkəti müharibə elanı kimi qəbul edəcək.

Axar.az xəbər verir ki, bunu Şimali Koreya lideri Kim Çen İnin bacısı, Koreya Əmək Partiyasının Mərkəzi Komitəsi sədrinin müavini Kim Yo Çjon deyib.

“Açıq dənizdə və ABŞ-ın yurisdiksiyasına aid olmayan bir bölgədə, ətraf ölkələrin təhlükəsizliyinə heç bir zərər vermədən həyata keçirilən strateji silahların sınaq buraxılışını ələ keçirmə kimi hərbi reaksiya izləyəcəyiksə, bu, KXDR-ə qarşı açıq müharibə kimi qiymətləndiriləcək”, – Çjon bildirib.