ABŞ vətəndaşlarına çağırış etdi: Rusiyanı tərk edin!
ABŞ-ın Rusiyadakı səfirliyi öz vətəndaşlarını dərhal ölkəni tərk etməyə çağırıb.
Bu barədə səfirlik rəsmi saytında məlumat yayıb.
Bildirilib ki, ABŞ vətəndaşları Ukraynadakı münaqişənin gözlənilməz nəticələrinə görə Rusiyaya səfərlərdən çəkinməlidir:
“Rusiyada yaşayan və ya səyahət edən amerikalılar isə saxlanma riskinə görə ölkəni dərhal tərk etməlidirlər”.
Xəbərdarlıqda qeyd edilir ki, Rusiya tərəfi ikili vətəndaşlığı tanımaya, onları konsulluq yardımından məhrum edə, ölkəni tərk etmələrinin qarşısını ala və ya hərbi xidmətə çağıra bilər.
