Rusiya Ukraynada daha 770 hərbçisini itirdi

0

Rusiya qüvvələri son sutkada Ukrayna ərazisində daha 770 hərbçisini itirib.

Modern.az “Unian”a istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 119 300 nəfərə çatıb.

Həmçinin son sutka ərzində Rusiyaya məxsus 3 tank, 6 zirehli döyüş maşını, 7 artilleriya sistemi, 4 PUA və 7 hərbi avtomobil Ukrayna ordusu tərəfindən sıradan çıxarılıb.

Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb.

 15 baxış

Leave A Reply

Your email address will not be published.

Tərcümə »