Qayınana və gəlin dəm qazından zəhərləndi
Zaqatalada qayınana və gəlin dəm qazından zəhərləniblər.
Hadisə rayonunun Yuxarı Tala kəndində qeydə alınıb.
Belə ki, kənd sakinləri – 1960-cı il təvəllüdlü Şahizər Mamulaşvili və gəlini, 1988-ci il təvəllüdlü Xəyalə Mamulaşvili yaşadıqları evdə qaz sobasından dəm qazının sızması nəticəsində zəhərləniblər.
Onlar xəstəxanaya yerləşdiriliblər və hazırda müalicələri davam etdirilir.