Putin hərbi blogerlərə buna görə sərbəstlik verir

Rusiya Prezidenti Vladimir Putin ölkədə təqib və senzuranı gücləndirdiyi halda hərbi blogerləri Müdafiə Nazirliyinin hücumlarından qoruyur, onlara sərbəstlik verir.

Bu barədə ABŞ-ın Müharibənin Öyrənilməsi İnstitutu məlumat yayıb.

“Rusiya hərbi blogerləri təkcə müharibəni dəstəkləmirlər – onlar Rusiya daxilində ayrıca səsi olan qrupa çevrilirlər. Onların bəziləri hazırda Kremldə rəsmi vəzifələrdə çalışır. Putin çoxlu izləyiciləri olan bəzi tanınmış blogerləri millətçi auditoriyaya müraciət etdirir və ən əsası bu qrupun özündən üz döndərməsinin qarşısını alır. Rusiya ordusu döyüşdə uğursuzluğa düçar olsa, blogerlər Putinə və hərbi əməliyyatlara sadiq qalacaqlarmı? Bunu etməsələr, Putin necə reaksiya verəcək? Bu suallar da vacibdir”, – məlumatda deyilir.