Rusiya yenə Ukraynanı raket atəşinə tutdu: 4 ölü, 8 yaralı

0

Rusiya ordusu Ukraynanın əksər iri şəhərlərini növbəti dəfə raket atəşinə tutub.

Axar.az xəbər verir ki, artıq bütün Ukrayna ərazisində həyəcan siqnalı verilib.

Məlumata görə, Kiyev, Odessa, Dnepropetrovsk, Poltava, Çerkassk, Xarkov və digər vilayətlərdə hava hücumundan müdafiə sistemləri işləyir.

Dnepr şəhərində 4 partlayış olub. Şəhərdə elektrik enerjisinin verilməsi dayandırılıb.

Kiyev və Odessa şəhərlərinə də raket zərbələri endirilib.

***

Rusiyanın Ukraynaya endirdiyi raket zərbələri nəticəsində 4 nəfər ölüb, 8 nəfər yaralanıb.

Hazırda xilasedicilər insanların dağıntılar altından çıxarılması üçün axtarış-xilasetmə işləri aparırlar.

Məlumata görə, həmçinin Ukraynanın bir sıra vilayətlərində elektrik enerjisinin verilişi dayandırılıb.

Bildirilib ki, Rusiya hərbçilərinin Zaporojye vilayətinə raket hücumu nəticəsində ölənlərin sayı 4-ə çatıb.

Bundan əlavə, Dneprdə isə raket hücumları nəticəsində 5 nəfər yaralanıb. Vurğulanıb ki, hava hücumu nəticəsində sənaye müəssisəsi və yaxınlıqdakı yaşayış binaları zədələnib. Bütün zərərçəkənlərin vəziyyəti orta ağırdır.

Eyni zamanda Odessada da 3 nəfərin hava hücumu zamanı xəsarət aldığı qeyd olunub.

Ukraynanın Baş naziri Denis Şmıqal isə Rusiyanın budəfəki zərbələrinin hədəfinin ölkənin qaz hasilatı müəssisələri, xüsusilə Dneprdəki “Yujmaş” zavodu olduğunu açıqlayıb.

 53 baxış

Leave A Reply

Your email address will not be published.

Tərcümə »