Bakıda dava: qardaşlar bıçaqlandı

Bakıda davada qardaşlar bıçaqlanıb.

Report xəbər verir ki, hadisə paytaxtın Binəqədi rayonu, “Banu Çiçək” restoranının yaxınlığında qeydə alınıb.

Belə ki, 1997-ci il təvəllüdlü Fərid Fərhad oğlu Eyvazov döş qəfəsinin ön və arxa səthinin çoxsaylı kəsilmiş-deşilmiş yarası ilə Ak.Mirqasımov adına Respublika Klinik Xəstəxanasına, qardaşı, 2002-ci il təvəllüdlü Sahib Fərhad oğlu Eyvazov döş qəfəsinin qarın boşluğunun kəsilmiş-deşilmiş daxilə nüfuz edən xəsarəti ilə Klinik Tibbi Mərkəzə və 2003-cü il təvəllüdlü Məhəmməd Asif oğlu Musayev döş qəfəsinin kəsilmiş-deşilmiş yarası ilə Ak.Mirqasımov adına Respublika Klinik Xəstəxanasına yerləşdirilib.

Faktla bağlı Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə cinayət işi başlanılıb.