SON DƏQİQƏ; İran İraqla sərhədi müvəqqəti bağladı – FOTO
İran hakimiyyəti Bağdaddakı iğtişaşlar fonunda təhlükəsizlik məqsədilə İraqla sərhəddəki keçid məntəqələrinin fəaliyyətini müvəqqəti dayandırıb.
İctimairey.az xəbər verir ki. bu barədə çərşənbə axşamı IRNA agentliyi İranın daxili işlər nazirinin müavini Seyid Məcid Mirəhmədiyə istinadən məlumat verib.
Sərhəddən keçidin dayandırılması qərarı Ərbəin matəm mərasimləri ilə bağlı İranın İraqa həcc ziyarətinin başlaması ərəfəsində verilib. Matəm sentyabrın 17-də başlayır və iranlıların ziyarətgahların yerləşdiyi İraq şəhərlərinə kütləvi səfəri ilə müşayiət olunur. Eyni zamanda, iyunun 7-də iki ölkə İraqa səfər etmək istəyən iranlı zəvvarlar üçün vizaların tam ləğvi barədə razılığa gəliblər.
Mirəhmədi sərhədin növbəti xəbərdarlığa qədər bağlı olacağını bildirib. O, dindarlara xəbərdarlıq edib ki, İraqa girməyə çalışmasınlar. Əhəmiyyətli sayda zəvvarın keçdiyi İranın İlam əyalətinin səlahiyyətliləri onları İraq ərazisində yas mərasimlərində iştirak etmək planlarını tamamilə ləğv etməyə çağırıb.
Quru sərhədində rabitənin dayandırılması ilə yanaşı, Tehran və Bağdad arasında zəvvarlara xidmət edən bir çox reyslər də ləğv edilib. İranın İraq paytaxtındakı səfirliyi də öz növbəsində İraqda olan İslam Respublikası vətəndaşlarını Bağdad, Samarra, Qədimiyyə və təhlükəsizlik riskləri olan bəzi digər yaşayış məntəqələrinə getməməyə çağırı
Bazar ertəsi siyasətdən getdiyini elan edən şiə imamı Müqtəda əs-Sədrin yüzlərlə tərəfdarı Bağdadın dövlət idarələrinin və xarici səfirliklərin yerləşdiyi “yaşıl zona”nı zəbt etmiş və Respublika Sarayını mühasirəyə alaraq binaya daxil olublar. Ölkə boyu tətbiq edilən komendant saatına baxmayaraq, İraqın paytaxtı və bir sıra bölgələrində qarşıdurmalar davam edir. Son məlumatlara görə, İraq paytaxtının mərkəzində silahlı toqquşmalar zamanı azı 20 nəfər ölüb, 300-dən çox insan yaralanıb. Bağdadda nümayişlərin qızğın vaxtında İraqın baş naziri Mustafa əl-Kazımi asayişin bərpasına kömək etmək üçün əs-Sədrdən kömək istəyib. İmam İraq baş nazirinin müraciətinə açıq şəkildə cavab verməyib.